.
Notisia Husi TVTL - Sesta-Kalan, 17 Agustu 2012
Primeiru Ministru husu ba membru do Governu hotu atu servisu asaun ho responsablidade atu nune’e bele hadia Ministeriu ida-idak, asuntu ne’e hato’o iha seminariu ne’ebe hala’o iha salaun Ministeriu dos Negosiu Estranjeiru.
Seminariu ne’e ho objetivu atu defini prioridade nasional ba tinan 2013 ne’ebe tama mos iha Planu Dezenvolvimentu Nasional.
Xanana Gusmao halo abertura ba seminariu ne’e no husu ba ministrus no sekretariu de estadu hotu atu serviso ho responsablidade.
Atu aloka orsamentu ba Ministeriu sira, Governu tenki determina uluk perioridade importantes ba tinan oin.
Prioridades ne’ebe membrus do governu sei determina iha tinan 2013 to’o tinan 2030 maka, kapital umanu hanesan edukasaun no formasaun ba rekursus umanus, dezenvolvimentu, infraestrutura mak estradas no eletrisidade, dezenvolvimentu ekonomika hanesan Agrikultura, turismu no seluk tan.
.
Sem comentários:
Enviar um comentário
Nota: só um membro deste blogue pode publicar um comentário.