“Komando F-FDTL Hala’o Enkontru Ho Forca Australia”

.

Notisia Husi TVTL - Sesta-Kalan, 24 Agustu 2012

Komando FALINTIL-Forsa Defeza Timor Leste (F-FDTL) hala’o inkontru ho Forca Defeza Australia hodi reviw servisu ne’ebe durante ne’e apoia ona husi Governu Australia.

Forsas Defesa Timor Leste durante ne’e hetan apoiu husi Australia no Portugal hodi reforsa Planu Estrategia vinte-vinte (20-20) ne’ebe planeadu ona apoiu ne’ebe durante ne’e fo ona husi Governu Australia iha area defeza, liuliu apoia parte konseleru, asesor, Formasaun ba Forca no kursus ba engenaria no saude komunitaria.

Tuir Vice Estado Maior Jeneral das F-FDTL katak, reuniaun ida ne’e atu reviw kooperasaun ne’ebe hala’o durante ne’e, entre forcas defeza Timor Leste no Australia no oinsa atu haree parte area ne’ebe sei presiza husi F-FDTL.

“Ami hasoru malu ne’e koalia saida mak akontese antes no ba oin saida mak ami presiza hadia diak liu tan, ami mos kalia kona ba iha 2013 saida mak ita presiza atu sira ajuda ita,” dehan Komandante F-FDTL Felomeno Paixao.

Vice Xefe Estado Maior F-FDTL ne’e katak, kualidade serviso iha kuartel Jeral F-FDTL ne’e importante atu bele dezenvolve parte defesa.

Oras ne’e F-FDTL iha area Maritima hala’o hela observasaun ba Serviso Marina husi Forcas Australia.

.