.
Jornal Timor Post - Sesta-Feira, 24 Agustu 2012
Membru Governu hetan ona orientasaun husi Vise Primeiru Ministru atu prepara formatu deklarasaun riku-soin ba Tribunal Rekursu, maibe sistema deklarasaun se’e sei taka ba publiku.
“Ami nia deklarasaun sei aprejenta ba Tribunal de Rekursu de’it, ami sei la halo tuir maneira (cara-red) husi Prezidenti Republika (PR), buat ida privasidade ita tenki prevene, se nia halo buat ruma sala, ninia privasidade ne’e lakon ona, Dehan Vise PM La Sama ba Jornalista sira iha Salaun Ministra Financas, Kinta (23/8), relasiona ho Prezidenti Republika deklara nia rikusoin, foin lalais ne’e.
La-Sama dehan, Publiku bele asesu maibe karik membru governu ne’e nia avo nia sasan ruma la presiza deklara ba publiku, tanba hare fali ba privasidade ema nian, tamba sidadaun hotu iha direitu ba privasidade.
“Ita labele hateten ba publiku ema ida nia manu hira, hau hanoin ita koalia kona ba publiku nian, maibe ema nia privasidade mos konstituisaun garante ona,” La Sama hatutan.
Nia hatutan, ho orentasaun ne’ebe nia fob a membru Governu, fiar katak semana rua tan deklara rikusoin husi membru bele aprezenta ona ba Tribunal.
.
Sem comentários:
Enviar um comentário
Nota: só um membro deste blogue pode publicar um comentário.