.
Jornal Timor Post - Sesta-Feira, 24 Agustu 2012
Durante tempu segundu lejislatura servisu entre orgaun rua liu-liu Parlamentu Nasional no Governu laiha liu solidaridade institusional, Realidade akontese durante ne’e relatoriu barak ne’ebe Parlamentu aprezenta laiha rezultadu.
“IHa segunda lejislatura, dala barak Parlamentu Nasional hato’o relatoriu kona ba saida mak hetan iha baze ba Governu maibe laiha rejultadu,” dehan deputadu Francisco Branco wainhira partisipa seminariu ne’ebe relaiza Judisial System Monitoring Prograne (JSMP) iha Correius, Kintal Boot, Dili, (23/8), kona ba koordenasaun Parlamentu no Governu.
Nia esplika, konstituisaun RDTL artigu 69 ko’alia kona ba separasaun de poderes no solidaridade instituisaun entre Governu no parlamentu Nasional maibe dala barak kooperasaun de poderes laiha liu.
“Knaar Parlamentu nian fiskaliza no knaar Governu nian ezekuta maibe iha prosesu implementasaun espiritu konstituisaun dala barak ne’e la loos, laiha interdependensia no laiha solidaridade institusional,” nia akresenta.
Branco fo ezemplo ida katak, deputadu sira hakilar barak kona-ba Projeitu irigasaun bebui (Viqueque), tanba projeitu ne’e halo to’o fulan haat deit at fali ona, halo osan milloens mak lakon saugate, maibe governu la dun tau atensaun ba kestaun ne’e.
.
Sem comentários:
Enviar um comentário
Nota: só um membro deste blogue pode publicar um comentário.