Povu doben Timor-Leste.
Ita nia komunidade prepara an atu selebra festa Sagrada Família nian, hodi komemora tinan no loron moris Salvador nian.
Natál representa pás no rekonsiliasaun: Kristu hakribit violénsia no vingansa no haklaken de’it mensajen arependimentu no salvasaun nian.
Natál reprezenta mós lisaun unidade no solidariedade iha ita nia leet.
Festa família nian, no pás ba ita no ita nia maun-alin sira hotu.
Simplisidade, rekonsiliasaun, pás, unidade no solidariedade hanesan valores sira ne’ebé ita tenke kontinua banati tuir, hodi bele hadi’a hahalok ita nia sosiedade nian, atu nune'e bele serbí di’ak liu tan hodi harii no dezenvolve ita nia nasaun.
Valores sira ne'e iha interese ba ita hotu, biar kristaun ka la’e!
Ha’u dezeja Natál ida nakonu ho pás no hakmatek iha família hotuhotu nia leet, iha rai laran no mós liuliu sira ne’ebé servisu no horik iha rai seluk.
Ba imi tomak, Natál kmanek no haksolok boot hosi ha’u no ha’u nia família.
Maromak tulun ita hotu!
,
Sem comentários:
Enviar um comentário
Nota: só um membro deste blogue pode publicar um comentário.