Jornal Independente - Kuarta-feira, 19 Dezembru 2012
Prezidenti Komisaun E asuntu infra-estrutura, Pedro da Costa hateten,
kompania balun la hatudu sira nia responsablidade tanba hakarak atu
hetan deit osan hodi la preokupa ho kualidade projeitu.
Pedro hato’o kestaun ne’e, bazeia ba fiskalizasaun ne’ebe komisaun E
halo ba projeitu bee moos iha teritoriu Timor Leste tomak.
“Empreza ne’ebe kaer projeitu ne’e laiha kbiit atu hala’o no balun
laiha responsablidade, sira hakarak deit hatama osan barak ba bolsu,
dehan Deputadua husi Bancada CNRT ne’e iha sesaun plenaria Parlamentu,
(18/12).
Tan ne’e, nia dehan, dadaun ne’e presiza halo supervizaun koretu no
dezenu ne’ebe diak molok halo porjeitu , atu nune’e bele fo duni
benefisiu ba komunidade sira.
“Dezenu ne’ebe sira halo la dun diak tanba uka kain ne’ebe presiza bee
no tanki hira mak atu halo ne’e la kumpletu,” nia informa.
Pedro dehan, presiza kontribuisaun ba sidadaun hotu atu konserva no
kuidadu kanalizasaun ne’ebe iha.
Aliende ne’e, deputadu ne’e mos kestiaona kona ba kualidade estrada.
Tuir nia, kompania sira ne’ebe halo estrada laiha kualidade, tanba la
bazeia ba dezenu maibe halo tuir deit sira nia hakarak.
.
Sem comentários:
Enviar um comentário
Nota: só um membro deste blogue pode publicar um comentário.