Konfrontu Entre Grupu “Sunu Prejepiu, Ema Ida Kanek”

.

Jornal Timor Post - Sesta-Feira, 28 Dezembru 2012 

Grupu rua, ida husi Bairu Aitarak-Laran Beto, no ida seluk husi bairo Lafaek, hataka malu iha kalan 24/12 to’o dadersan, konfrontu ne’e rejulta prejepiu ida hetan sunu no ema id akanek tanba hetan ta iha kotuk laran no kidun. 

Iha akontesementu ne’e Polisia to’o tarde tebes tanba komunidade sira tenta kontaktu Polisia ho numeru 112 maibe la funsiona. 

Kronolojia akontesementu ne’e, Responsavel prejepiu ne’ebe hetan sunu iha Bairo Aitarak-Laran, Juliao Miguel haktuir ba Timor Post iha fatin akontesementu (27/12) katak, labarik nain tolu mak iha kalan ne’e tur iha kios oin, besik prejepiu ne’e, no la kleur mosu ema nain rua husi Bairo lafaek ba abuza no hateten labarik nain rua ne’e mak espertu (jagoan). 

“Imi mak jagoan iha fatin ne’e ka? No labarik nain rua ne’e hateten, oin hanesan ami ne’e laos jagoan ida, maibe sira nai rua ne’e dehan, imi bosok, depois sira baku labarik nain tolu ne’e iha oras 03:00 madrugada,” haktuir Juliao. 

Julio hatutan, depois labarik sira halai tiha mak foin tuda hasoru sira no iha grupu ida husi sira nia ne’e mos hakilar, sae mae, sira dehan sobu prejepiu no ami loke odamatan ami sai ami hare ba prejepiu ahi han tiha ona, ami mos kontaktu ba Polisia ho numeru 112 maibe la responde hodi halo intervensaun. 

Nune’e, problema ne’e agora sei nafatin tuda malu, iha loron 26/12 kalan, Polisia mai halo intervensaun no kaer joven ida ho naran Gili, depois tiru dala 7 iha ne’e, depois kartus musan pistola nian haksoit hodi kona kolega Ado husi Distritu Lospalos ne’ebe mak kos iha bairo ne’e. 

Kazu refere autor mos polisia kaer ona maibe polisia dehan evidensia la dun forte, maibe realidade ami nia prejepiu ahi han depois mos ami nia joven nain rua kanek iha kotuk no kidun tanba hetan ta’a husi sira. 

Nia hatutan, husi kazu ne’e hau la menta teb-tebs ho atuasaun polisia nian ne’ebe la professional, tanba ema vitima ona sai vitima nafatin, no autor ne’ebe identifika ona Polisia la halo kapturasaun no Polisia husik la’o livre hela. 

Tanba ne’e mak, agora kria tan problema to’o agora, halo komunidade sira ne’ebe hela iha ne’e kalan toba mos la dukur. To’o Notisia ne’e publika, Jornalista Timor Post seidauk halo konfirmasaun ho Komando Polisia Dsitritu Dili nian. 

Entertantu, iha Distritu Baucau, Diretur Klinika Ospital Referal Baucau, Dr. Alberto Guterres informa ba Timor Post katak, iha loron 24 kalan oras tuku ida loloos Security (per time) iha Ospital nian hetan ana ho rama ambon husi ema deskonesidu. 

Nia haktuir, wainhira nia parte halo atendementu mediku ba vitima identifika rama Ambon kona vitima nia te oan boot. Dr. Alberto mos dehan, iha loron hanesan nia parte mos simu pasiente ne’ebe hetan ta’a husi akontesementu ida iha area Bairo rakalele.

.