“Mate Restu 12 Novembru Protesta Kriteriu Rekoinesementu”

.

Jornal Nacional Diario - Segunda, 03 Dezembru 2012

Mate restu 12 de Novembru husi Suku Comoro Protesta Comite 12 de Novembru konba criteria tolu, ativu, pasivu, no onra ba juventude sira nebe partisipa iha asaun pasifika 12 Novembru 1991.

 Mate restu sira hato’o protesta ne’e ba Comite 12 de Novembru wainhira hala’o juramentu ba mate restu 12 Novembru sira iha Suco Comoro, Distritu Dili iha domingu (02/11).

 Repreztente mate restu, Inacio Bento hateten, wainhira hahu rejista ema hotu-hotu ba rame-rame rejista, no wainhira iha kongresu ba Comite 12 de Novembru deside criteria tolu mak hanesan, ativu, pasivu, no Onra.

Nia esplika husi criteria hirak ne’e, ativu make ma ne’ebe tama to’o iha rate laran, pasivu maka ema ne’ebe mak tuir iha dalan deit, no onra make ma ne’ebe fo apoiu material no moral nune’e, halo manifestasaun.

Tanba rekoinese hotu pasivu no Onra, nia husu atu haree didiak sira ne’e nia kontribuisaun ne’e oinsa. Hatan ba protesta ne’e, Prezidenti Comite 12 Nivembro Grigorio Saldanha hateten katak, iha kongresu 12 de Novembru nian, iha kategoriu tolu mak defini ona, tanba rejultadu kongresu ne’e katak tenki rekoinese, tamba desizaun ne’e ema hotu nian.

Gegorio Saldanha esplika katak, criteria tolu ne’e atu ingloba parte tolu ne’e, partisipa asaun pacifika husi igreija Motael, ema ne’ebe partisipa iha dalan to’o iha rate, no ema seluk ne’ebe mak hein iha rate.

Nia hatutan, atu ingloba sira ne’e hotu mak iha juramentu ne’e hateten, dehan manifestasaun pasifika iha rate Santa Cruz tamba tau deit ida mak ingloba tiha sira seluk.

Nune’e, mate restu ne’ebe mak tuir juramentu hamutuk 97, nain rua mak ba tiha rai liur, sira nain rua ne’e maluk mate restu balun mak konese sira no reprejenta hodi tuir fali juramentu.

.