Ansip Indonesia Falsifika Dokumentus Sai veteranus; “SEAV Konsidera Lista veteranus 2013 100.000 Lalos”

.

Jornal Nacional Diario - Tersa-feira, 11 Dezembru 2012 

Sekretariu Estadu Asuntu veteranus (SEAV), Julio Sarmento ‘Meta Malik’ hateten katak, nia triste bainhira haree lista veteranus nian ne’ebe mak atu loke iha 2013, sa’e kedas ba 100.000 tanba balun lalos. 

 “Ohin iha veteranus hau asina pensaun lista ba fulan Dezembru 17.607, sei hela tan 100.000 (rihun atus ida) ne’ebe atu loke iha 2013, ne’e lalos,” esplika SEAV Meta Malik ba Jornalista, Sabado (08/12) iha Kapela Nosa Senhora do Destero Culu-Hun de baixo Dili. 

 Nia hatutan ho jura katak, V Governu Konstitusional foin maka fulan hat (4) maibe, nia hakfodak ho lista veteranus nian ne’ebe mak atu loke iha 2013, maibe nia sei haka’as an atu tais fila fali numeru lista ida ne’e. 

 “Hamutuk ho mate bian sira, hamutuk ho rai lulik ida ne’e, hamutuk ho ruin no ran nia leten, tenki fo justifika lolos katak, semak halo duni, se mak la halo,” dehan Meta Malik. Nia afirma katak,” La moe mos rai ida ne’e, tanba ukun an tanba osan, ita halua verdade, ita halua justisa hodi hadau malu osan, sekretariu Zona balun iha tempu neeba ohin loron sira nia fen mos sai veteranus hotu,” konfude meta Malik. 

Nia esklarese balun mate kedas iha 1973, balun ba hamutuk kolabora ho Hansip Indoenzia sira no sira ba tiru ema rejistensia iha rai ida ne’e, simu mos osan no ida ne’e, veteranus rasik mak halo, laos ema seluk. 

Nia esplika liu tan katak, mundu ne’e so ema advogadu sira deit mak iha kliente, maibe ohin loron veteranus sira mos iha kliente, sira ba buka kliente husi uma ida ba uma seluk. 

 “Ema barak mai atu daftar, sira lakohi daftar ida, nia hateten fali katak, maun nia orsida ba uma deit, seluk mai fali mos hanesan, hateten ba nia katak, o nian hein lai, orsida hein hau iha uma deit, ba uma manu aman diak ruma iha, fo dadauk, osan ituan iha mos fo dadauk, se osan la iha mos la buat ida hameno malu, depois mak hein malu iha banku deit, tanba buta sira ne’e hotu lori Timor rihun ba rihun sai ema veteranus,” esplika meta malik. 

Nia dehan, antes nia mandatu ne’e atu remata iha tinan lima nia laran, nia husu ba mate restu sira atu fo provas no fo justica ba veteranus sira atu dadus ba veteranus ne’e labele barak liu maibe tenki hatudu lia los ba povu. 

.