Bandu Fa’an Paison, “PNTL Hein Rezolusaun KM”

.

Jornal Timor Post - Kinta-feira, 06 Dezembru 2012 

Polisia Nasional Timor-Leste (PNTL) oras ne’e dadaun hein rezolusaun Konsellu Ministru (KM) hodi halo atuasaun ba loja sira ne’ebe fa’an paison. 

“Hau fiar katak konsellu Ministru aprova ona rezolusaun ida, maibe komando Polisia seidauk simu, ara atu bele bandu fa’an paison iha lojas, informa komamdante jeral PNTL, Komisariu Longuinhos Monteiro, ba Jornalista sira iha palasiu Prezidenti Bairo-Pite, Dili (5/12). 

Longuinhos hateten, tuir deklarasaun husi fa’an nain sira iha loja katak, sira hatama paison ne’e selu taxa, signifika iha lisensa no konsidera legal, tanba ne’e tenki iha konsistensia ida para labele fo lisensa ba importa paison. 

 “Komando PNTL fo ona orientasan ba komando Polisia iha Distritu sira, kuandu despaiso sai ami halo operasaun boot, dala ida de’it,” informa Longuinhos. Iha parte seluk, atu hapara aktividade sunu paison iha tempu kalan, iha kuarta (05/12), komandante Polisia Distritu Dili Pedro Belo, hahu hasai ona nformasaun liu husi sura tahan ba komunidade sira iha kapital Dili hodi labele kontinua sunu paison. 

 “Bazeia ba lei UNTAET REG/2001/0523 de Abril artigu 4 no 5 mak ami husi Distritu Dili fo aviso ba komunidade tomak iha kapital Dili laran katak, komesa iha loron 30 Novembro 2012 ba oin labele sunu paixon, bela no sasan sira seluk hodi halo tarutu iha fati-fatin,” dehan Pedro. 

Se karik komunidade sira la halo tuir, PNTL sei foti medidas tuir lei ne’ebe vigora iha nasaun Republika Demokratika Timor-Leste (RDTL). 

Nune’e, tuir observasaun Diariu nee, iha tempu kalan iha kapital Dili, paixon, bela no buat seluk neebe tarutu hanesan kilat kontinua tauru iha fati-fatin, maske Polisia deklara sai ona no halo patrolia iha tempu kalan. 

 Iha fatin la anesan, komunidade Andre Goncalves hateten katak, sira kontenti ho aviso ne’ebe fo sai husi Polisia Distritu Dili hodi bandu komunidade sira sunu paixon, bela no buat selu-seluk iha bairo, maibe nia husu atu parte governu no PNTL mos atu tenki fo sai husi media hanesan TVTL, atu nune’e povu bele rona hodi labele sunu tan paison.

,