“Eis Militar RI Eziji Direitu”

.

Jornal Timor Post - Kuarta-Feira, 15 Agustu 2012

Tanba laiha naran iha lista simu subsidiu husi estadu Indonesia, eis Militar kuaze 5000 ejiji ba Sekretariu Estadu Formasaun Profesional e Empregu (SEFOPE) atu kontinua halo berifikasaun, nune’e sira mos bele hetan sira nia direitu.

“Hau laos mesak, maibe hau nia kolega maluk sira besik rihun lima (5000 ital) ne’ebe tama servisu military no civil iha tempu ne’ebe buka informasaun no la tauk mate hodi hato’o informasaun ba mundu tomak liu husi diplomata TL uluk, Jose Ramos Horta iha momentu ne’eba,” dehan eis militar RI, David Xavier, ba Timor Post iha bebora, Dili, Tersa (14/8).

Nia hateten, eis military RI iha Timor Leste, ne’ebe mak luta ba ukun rasik an iha tempu okupasaun hamutuk hodi hato’o informasaun ba eis diplomasia, Jose Ramos Horta, maibe to’o agora seidauk hetan sira nia direitu subsidiu husi estadu Indoensia.

Eis Militar Indonesia ne’e mos triste, wainhira Timor-Leste hetan ukun an, iha ema balun ne’ebe lakohi Timor-Leste independensia ikus mai, sira mak goza ukun an ida ne’e, maibe ema ne’ebe luta maka’as iha parte diplomasia la hetan direitu.

Tanba ne’e, esi militar hirak ne’e ejiji ba SEFOPE atu kontinua halo verifikasaun lista naran eis military nian, atu nune’e bel kontinua halo pagamentu no iha faze tuir mai bele hetan ona sira nia direitu.

.