Horta La Tama Iha Kintu Governu: “Xanana No Comment”

.

Jornal Nacional Diario - Tersa-Feira, 07 Agustu 2012

Sekretariu Jeral Partido Democratico (PD) Mariano Assanami Sabino hateten katak, eis Prezidenti Republika Jose Ramos Horta la hetan fatin iha Kintu (V) Governu Konstitusional, maske nia tama hotu ba PD hodi laos iha eleisaun Parlamentar liu ba ne’e.

Rajaun eis PR Horta latama Governu ne’e, Assanami dehan, nia laiha kompetensia atu impoen Eis PR Horta ba Governu tanba akordu partidu koligasaun rigorozu tebes.

Assanami haktuir, eis Prezidenti Republika ne’e hanesan ema ne’ebe eis titulares ba nasaun ida ne’e entaun tenki tane aas nia, nomos dignifika nia hanesan lider historiku ida.

“Sr. Ramos Horta, tenki konsidera nia nafatin no iha enkontru alto nivel sira ne’e presiza nafatin nia kontribuisaun, maibe agora nia la tama nudar membru governu iha kintu Governu Konstitusional ne’e,” dehan Assanami ba Jornalista sira, segunda (6/8), iha Palasiu Prezidensial Aitarak laran, Dili.

Assanami ne’ebe nia partido forma Bloku Koligasaun hamutuk ho CNRT no FRENTI-MUDANca ne’e hatutan, Eis PR Jose Ramos Horta la tama iha membru Governu ne’e tanba PD rasik laos mak manan iha eleisaun ida ne’e, maibe CNRT mak maman ho mais votadu, entaun PD laiha poder atu impoen.

Entertantu, Primeiru Ministru indijitadu Xanana Gusmao deklara katak, rajaun eis PR Horta la tama iha Governu ne’e, tanba nia partido mos la manana maioria iha eleisaun parlamentar liu ba ne’e, nune’e labele bolu nia ba governu.

Tuir xanana, iha akordu koligasaun ne’e laos ema ida de’it mak bele impoen maibe tenki rona mos partidu tolu ne’ebe halai hamutuk hodi forma bloku koligasaun ne’e.

.