Jerador EDTL 8 To’o Iha TL: "Kompania Ezizi Governu Prepara Fatin Atu Hatuun Jerador Ho Kuidadu"

.

Notisia Husi TVTL - Sesta-Kalan, 03 Agustu 2012

Jeradores EDTL 8 ho marka Warsila ne’ebe sosa husi Italia to’o ona iha Timor-Leste, rohai ne’ebe tula Jeradores ne’e, seidauk bele atraka tamba kondisaun portu Dili la premiti.

Tuir planu Jeradores EDTL 8 ne’e sei monta iha Betanu hodi fornese eletrisidade iha parte Kosta Soual.

Observasaun Televizaun Timor-Leste (TVTL) sesta-feira ne’e iha portu Dili, Jerador ho marka warsila ne’ebe sosa husi Finlandia hamutuk 8 ne’ebe mai husi Portu Italia to’o ona iha Timor-Leste, iha loron 29 fulan Jullu liu ba.

Tuir Rafael Ribeiro hanesan Jeneral Manajer Lojistika ne’ebe toma konta ba jerador ne’e hateten, Jerador eletrisidade hirak ne’e seidauk bele hatuun husi Roo tamba kondisaun portu Dili la primiti.

Rafael mos sublinha liu tan, Jerador 8 ne’e sei monta iha Betanu hodi fornese eletrisidade ba komunidade iha parte kosta Soul.

Nune’e komania husu, Governu presiza prepara didiak kondisaun portu, nune’e wainhira hatuun Jerador hirak ne’e tenki ho kuidadu atu labele akontese tan jerador ne’ebe monu hanesan fulan hirak liu ba.

.