“PN Estabelese Bankada Parlamentar, FRETILIN Mantein Estrutura Tuan”

.

Jornal Independente - Sesta-Feira, 03 Agustu 2012

Parlamentu Nasional hahu estabelese ona bancada Parlamentar ne’ebe tuir rejimentu hili husi kada Bancada ida-idak.

Tuir lei, PN sei kontinua plenaria hodi hili komisaun especializada hodi kompleta estrutura parlamentu nian.

Nune’e, bancada CNRT nomeia deputadi Natalino dos santos hodi sai Prezidenti bancada, Partidu Demokratiku hili deputada Maria Lourdes sai Prezidenti bancada ho nia vice, Joao Adriano, husi Bancada Frenti-Mudanca hili Bemvinda Catarina sai Prezidenti Bancada.

Maibe, husi Partidu FRETILIN kontinua mantein nafatin nia estrutura lideransa tuan mak hanesan deputadu Aniceto Guterres Prezidenti bancada ho nia Vice Francisco Branco.

Entertantu, Prezidenti parlamentu Nacional, Vicente Guterres hateten, tuir rejimentu ne’ebe mak iha hafoin kada bancada hili nia lider bancada, la kleur tan komisaun especializada hodi halao nia knaar.

“La kleur tan, liu husi plenaria deputadu sira sei deskute hodi forma komisaun ho nia estrutura,” hateten Prezidenti Parlamentu Nasional.

.