“Kazu Membru PNTL Tiru Armindo Hein Desizaun Tribunal”

.

Jornal Timor Post - Kuarta-Feira, 08 Agustu 2012

Kazu membru Polisia Nasional Timor Leste (PNTL) ne’ebe maka tiru mate estudante, Armindo Pereira Alves iha Suku Hera, Dili, Segunda (16/7), agora hein de’it desizaun ikus husi tribunal Distrital Dili.

Lia hirak ne’e hato’o husi komando jeral PNTL, Komisariu, Afonsu de Jesus iha Kuartel jeral PNTL, Kaikoli, Tersa (07/8).

“Kazu ne’e nis prosesu kontinua agora tama ona ba iha Tribunal Distrital Dili hodi hein desizaun ikus husi Tribunal Distrital Dili ba kazu nia finalidade julgamentu nian.

Nia haktuir, Ministeriu Publiku tutela ona kazu ne’e ba iha Tribunal, ho nune’e, ita hein bainhira mak tribunal foti desizaun maske prosesu hotu-hotu lao no deskobre ona, maibe hein bkiit Tribunal nian.

Entertantu, komandante, Servisu Investigasaun Criminal (SIK), Superintendenti, Alistro Gonzaga hateten, kazu ne’e agravadu, ne’e duni ita tau ba iha perioridade maibe ita hein deit, tanba kompetensia hodi divulga kazu ne’e, Ministeriu publiku no Tribunal Distrital Dili.

.