.
Jornal Timor Post - Sesta-Feira, 03 Agustu 2012
Povu Oe-cusse Kessar Ministeriu Agrikultura no Pescas (MAP) no
Sekretariu Estadu Formasaun Profesional Empregu (SEFOPE) ba Provedoria
Dos Direitu Humanus e Justisa (PDHJ) tamba fahe trator la balansu no
la selu povu ne’ebe servisu ba projeitu U$3,00.
Liu husi katividade servisu movel ne’ebe PDHJ liu husi Diresaun
Nasional Direitus Humanus (DH), Diresaun Nasional Voa Governasaun (BG)
no Diresaun nasional Asistensia Publiku (DPA) hala’o iha Sucu Usi-Taco
Sub-Distritu Nitibe, Suku Bobometo Sub-Distritu Oesilo no Suco Lifau
Sub Distritu Pante Makassar Distritu Oecusse durante loron 3, hahu
husi loron 25 to’o 27 Jullu 2012.
Rejultadu monitorizasaun PDHJ ne’ebe Timor Post asesu horsehik katak,
komunidade husi suco tolu ne’e lamenta ho atetude husi Ministeriu
Agrikultura no pescas (MAP), tamba fahe traktores labalansu maske
populasaun balun moris hanesan to’os nain maibe hetan fali traktores
no sira ne’e iha natar la hetan.
Komunidade sira husu mos ba SEFOPE atu responsabliza ba servisu ne’ebe
sira halo hanesan hamos estrada hodi selu sira kada loron ema ida
U$3,00, maibe depois sira hamos estrada to’o ohin loron Ministeriu
kompotente seidauk selu sira.
Hatan ba preokupasaun ne’e, Diretur Nasional Boa Governasaun, Ambrosio
Granciano Soares hateten katak, ho preokupasaun hirak ne’e, PDHJ sei
hato’o rekomendasaun ba Ministeriu relevante hodi responsabliza nia
aktividade hirak ne’e, atu labele akontese tan iha futuru.
.
Sem comentários:
Enviar um comentário
Nota: só um membro deste blogue pode publicar um comentário.