Problema Rai: “Povu Ezizi V Governu Konstitusional Tamba Povu Vitima Iha Nia Rain Rasik”

.

Notisia Husi TVTL - Kuarta-Kalan, 15 Agustu 2012

Liga Direitu Libertador husu ba Governu no Parlamentu Nasional inklui Tribunal rekursu atu labele uza sistema ditadura hodi hanean povu hodi lakon sira nia direitu ba rai iha Timor Leste.

Deklarasaun ne’e, hato’o husi komunidade suku bairopite dub Distritu Dom Aleixo nain 5 ne’ebe lakon sira nia direitu ba rai ho luan metru kuadradu rihun sanuolu resin lima atus rua sanulu (15,210).

Komunidade ne’ebe deklara nain ba rai hanesan Jacinto Amaral, Santiago de Araujo, Agusto Ribeiro, Joaquim Borges no mos Berlaka ne’ebe hamaan aan iha liga direitu libertador.

Liu husi konferensia da imprensa, komunidade sira hato’o sira nia lamentasoens tamba governu no Tribunal de Rekursu hasai desizaun ne’ebe la defende sira nia direitu atu sai nain ba rai iha area Hotel Onkong Bairo-Pite ne’ebe sai hanesan sira nia hela fatin.

“Ezizi ba Kintu governu atu tau atensaun ba ema illegal ne’ebe halo subar ami nia rain ba fali ema seluk i halo moru hadulas iha ami nia rai, ami mo seidauk hatene, seidauk sidan tan, surat pangilan ida mos laiha, derepente deit senora Hermengila dehan manan tiha ona, ida ne’e ami povu kiik tanis no halerik nafatin iha ami nia rain rasik, tamba saida mak governu halo ami povu kiik terus ba beibeik, enatun nain ulun sira presiza make ma ne’ebe iha osan e ami povu ne’ebe lahiha kbiit ba fatin ruma dehan ami mak lakon hela deit maske ami nia dokumentus kumpletu, se nune’e bot sira boot ba beibeik, povu kiik sira kiik ba beibeik tamba halerik ba justica no lia loos” dehan Vitima ne’e.

Enterantu Prezidenti husi Fireitu Libertador hateten, Flaviano konsidera governu no Tribunal de Rekursu labele uza sistema ditadura hodi hanean povu ne’ebe mukit ba rai pedasku ida iha Timor Leste.

“Ami husu ba Tribunal Rekursu lalika halo lei barbarak tamba Tribunal Rekursu rasik mak desidi sala, desidi ema vitima laiha iha oin, tamba sertifikadu ita mak halo, lei ita mak halo, ita mos hili mak balun tur iha estadu i balun sai povu, sira ne’ebe tur iha estadu tenki respeita povu, ital abele uza deit ditadura hodi hanesan deit povu hanesan iha Indoensia nia tempu,” dehan Flabiano.

Antes ne’e, Governu liu husi dirasaun nasional Terras i Propridades husu ba komunidade nain lima ne’ebe rekere sira nia direitu nuudar nain ba rai iha area Hotel Onkong nia oin katak, Governu labele anula desizaun ne’ebe fo sai husi Tribunal.

.