Ban Ki-Moon: “TL La Presiza Ona Forsa ONU”

.

Jornal Timor Post - Kinta-Feira, 16 Agustu 2012

Sekretariu Jeral Organizasaun Nasoens Unidas (ONU), Ban Ki-Moon deklara, nia rekoinese Timor Leste (TL) la presiza ona forsa manutensaun ba paz tanba seguransa rai laran la’o hakmatek ona.

Ban Ki-Moon hateten, instituisaun seguransa no defesa mos ba nia la duvida ona atu mantein paz no hakmatek iha Timor Leste, tanba ne’e, nia konkorda tebes ho terminasaun mandatu UNMIT nian iha fulan Dezembru tinan ne’e.

Ban Ki-Moon nia vizita mai Timor Leste akompania husi nia expoza Ban Soon Taek, ho objetivu vizita ne’e, atu haree ho matan situasaun real iha Timor Leste, no deskute ho entidade estadu nasaun ne’e kona ba destinu misaun UNMIT.

Ban Ki-Moon ho nia expoza Ban Soon Taek to’o iha aeroportu Internasional Nikolau Lobato, Komoro Dili, tuku 11 liu Minutu 20 Otl, no simu diretamente husi Ministeriu Negosiu Estranjeiru no Koperasaun, Jose Luis Guterres no Maijor Jeneral F-FDTL, Lere Anan Timur.

“Hau fiar katak ho rekomendasaun durante asisite ba Timor-Leste katak, Timor sei la presiza Forsa da Paz iha momentu ida agora,” sublinha Ban Ki-Moon liu husi konferensia ba imprensa ne’ebe halao hamutuk ho Prezidenti da Republika, Taur Matan Ruak Kuarta (15/8), iha Palasiu Prezidensial, Aitarak-Laran, Dili,.

Iha vizita ne’e, Ban Ki-Moon mos fo onra ba Matebian Sergio Viera deMello tanba nia hamrik iha Matebian nia ain fatin, hanesan reperejetante Espesial husi Sekretariu jeral Kofi Anan nia tempu.

Nia rekuinese tinan 10 liu ba MatebianSergio Viera de Mello tanba nia hamrik iha Matebian nia ain fatin, hanesan reprejetante especial husi Sekretariu Jeral Kofi Anan nia tempu.

Nia rekoinese tinan 10 liu ba, matebian ho Xanana Gusmao nuudar Prezidenti da Republika iha tempu ne’eba no antigu primeiru Ministru Mari Alkatiri loke Timor Leste nia expozisaun dahuluk iha fatin museum resistensia agora.

.