“Bloku Koligasaun (BK) Deskuti FRETILIN Tama Governu”

.

Jornal Timor Post - Sesta-Feira, 03 Agustu 2012

Vise Prezidenti Partidu Demokratiku (PD), Adriano do Nascimento hateten inkontru ne’ebe sira halo durante ne’e haree akordu neebe iha, konselu Prezidensial Partidu CNRT, PD no Frenti Mudanca mak iha poder hodi deside atu ema husi FRETILIN bele tama iha estrutura Kintu Governu ka lae.

“Hau hakrak hateten katak, kompetensia Primeiru Ministru atu hili se mak iha estrutura Kintu Governu konstitusional, iha mos akordu ne’ebe husi partidu tolu ne’ebe mak prezidenti partidu tolu ne’e sei hareedeside atu inklui sei mak iha kapasidade,” Adriano dehan ba Jornalista sira iha Parlamentu Nasional, Kinta (2/08).

Nia konfesa katak, planu atu hatama FRETILIN no ema independentei hodi inklui iha Governu to’o agora seidauk klaru no sei deskute hela.

“Hau lakohi hakat liu, agora ami deskute hela, liliu deskusaun ida ne’e maka sei haree regras akordu koligasaun no bele mos responde interese nasional ne’ebe iha,” nia hatutan.

.