Deputada Frenti-Mudanca: “Adazinda Preokupa Ho Problema Micato Iha Strutura V Governu Konstitusional”

.

Jornal Nacional Diario - Kuarta-Feira, 15 Agustu 2012

Desizaun Politika husi Prezidenti Republika, Taur Matan Ruak no entidade politika sira hodi hasai tiha Maria domingas Alves “Micato” nia kandidatura nudar Ministra defesa no seguransa iha V Governu Konstitusional ne’e, membru Parlamentu Nasional (PN) husi Bancada FRENTI-Mudanca, Adozinda Pires da Silva konsidera katak, desizaun ne’e normal.

Deputadu Adozinda Pires hateten, bainhira publikasaun media kona ba naran Micato nia, seidauk iha desizaun final ruma husi Prezidenti da Republika (PR) Taur Matan Ruak ho Primeiru Ministru (PM) indijitadu Kay Rala Xanana Gusmao.

Nia mos dehan, se karik iha tempo ne’e iha deklarasaun ofisial husi PR Taur Matan Ruak ho PM Xanana Gusmao, katak Ministra Defesa Seguransa mak Micato, depois mak iha loron tuir mai Taur Matan Ruak ho PM Xanana muda fali sira nia desizaun, hanesan feto Timor ne’ebe mak mete iha politika la simu, tanba Timor-Leste mos rartfika ona konvensaun CEDAW ne’ebe loke dalan luan atu feti Timor partisipa iha vida politika, tanba ne’e laiha oportunidade atu ukun nain se deit bele limiti feto

nia partisipasaun iha nivel foti desizaun.

Nia hateten, publiku iha direitu atu halo komentariu hodi hatudu solidaridade ba Micato.

Hatan kona ba ‘Abilidade’ Micato nia, ne’ebe mak kestiaona husi Prezidenti Taur Matan Ruak, Deputadu husi Bloku Koligasaun ne’e dehan, ne’e buat ida normal akontese iha proses intervista bainhira atu okupa fatin ruma ne’ene make ma ne’e apply.

“Hau pesssoal hau konkorda ho publika nia hanoin katak, Micato iha abilidade atu okupa fatin saida de’it bainhira hetan fiar, tanba faktu nia hatudu ona iha Governasaun AMP nian, maibe kona ba Micato sai Minitra ou la sai Ministra, hau mos labele halo komentariu barak,” Adozinda esplika.

Nia mos haktuir tan katak, komentariu no protesta husi organizasaun tomak kona ba asuntu Ex-Ministra Solidaridade social nian, la sala e iha fatin duni, tanba ne’e, direitu de espresaun ema ida-idak nian bainhira observa asuntu ruma neebe sai issu, tanba ne’e, nia laiha duvida ruma relasiona ho komentariu ne’ebe mak lao tiha ona.

.