FRETILIN-Sosiedade Sivil Kestiaona kapasidade Meza Parlamentu: “Povu Hein Maran, Semana Ida Seidauk Iha Plenaria”

.

Jornal Nacional Diario - Sesta-Feira, 10 Agustu 2012

Hafoin deputadu III Lejislatura simu pose iha 30 Jullu iha uma fukun Parlamentu, to’o agora semana ida ona Povu hein maran, tamba to’o agora la hala’o atividade plenaria hodi deskute povu nia moris.

Ho nuansa ne’ebe la’o iha uma fukun povu nian ne’e, Bancada Opozisaun FRETILIN senti triste no kestiaona maka’as kapasidade meza nian atu lidera plenaria, tanba povu iha baze hein hela sira nia direitu ne’ebe politiku nain sira promete iha tempu kampania.

Atu garante povu nia moris diak, deputadu sira tenki servisu maka’as, tanba sira tur reprejenta povu ne’ebe atu koalia konaba povu nia moris, no aspirasaun, maibe semana ida ne’e nis laran, deputadu sira sei tuur nonok hela.

Ba kestaun ne’e, Deputadu Estanislau da Silva hateten, senti trsite haree situasaun hanesan ne’e mosu iha parlamentu nasional (PN), tanba agora laos ona tempo halimar ho povu nia vida hodi haree-an no familia de’it.

“Hau lahatene, tamba saida mak meza laprepara ajenda atu deskuti, hau haree lei barak hela presiza atu prioridade ba lei sira ne’e, ital abele halimar ho povu nia vida,” dehan deputadu Estanislau ba JNDiorio foin lalais ne’e iha uma fukun PN.

Tuir nia, Parlamentu Nasional ni funsaun tolu importante mak tenki hala’o, Produz lei, hasai desizaun politika no halo fiskalizasaun ba ezekusaun orsamentu, maibe todan liu mak nka’ar salva guarda povu nia osan ne’ebe tinan-tinan aprova ba GOvernu atu ezekuta ba dezenvolvimentu.

Iha parte seluk, Sosieade sivil hanesan Asosiasaun HAK lamenta tebes ba servisu PN nian ne’ebe laiha vontade diak atu hala’o ajenda hodi debate issue ne’ebe mosu iha rai laran, sira halo povu hein maran hela ba sira nia direitu, tamba politiku nain sira mak promete iha tempu kampania liu ba.

Diretur Asosiasaun HAK Rogerio Viegas Vicente mos dehan, senti triste, tanba hare Parlamentu Nasional la funsiona ho diak maske foin mak tomada de posse.

“Hau senti trsite tamba husik hela povu hein maran ba nia direitu, liu-liu ba rai ne’ebe to’o agora sei kontinua mosu problema,” dehan nia.

Ho ida ne’e, Rogerio Viegas dehan, duke halimar, diak liu Parlamentu debate ona lei rai, lei reparasaun vitima sira, tanba lei ne’e importante.

.