“Governu Planeia Aloka Membru F-FDTL Ba Distritu”

,

Jornal Timor Post - Sesta-Feira, 10 Agustu 2012

Kintu (V) Governu konstitusional planeia koloka membru F-FDTL ba Distritu, ba kestaun ne’e, Sekretariu Estadu Defesa Julio Tomas Pinto hateten, Governu deskute ona ho Komando F-FDTL hodi bele aloka forsa F-FDTL iha Distritu.

Julio Tomas rekoinese iha 2012, planu perioridade ba alokasaun membru F-FDTL iha fatin hotu seidauk bele akontese maibe ba 2013 ne’ebe bele ona implementa planu ne’e.

Julio Tomas mos deklara katak, ba tinan lima oin mai ne’e, importante mak implementasaun projeitus hotu tenki ho kualidade hodi nunee bele hadiak diak liu tan servisu iha futuru.

“Ita labele repete tan erus ne’ebe ita halo iha tinan lima liu ba, ida ne’e importante liu ba ita atu haree,” Promete Julio Tomas.

Iha parte seluk Julio mos rekoinese katak, durante tinan lima lina kordenasaun entre Ministerial ho F-FDTL ladun efetivu tanba ne’e, ba oin presija hadia diak liu tan atu hetan progresu ne’ebe diak liu tan iha tempu oin mai.

.