Kilat Lakon: “Komandu Hein Rezultadu Investigasaun”

.

Jornal Timor Post - Sesta-Feira, 17 Agustu 2012

Komandu jeral Polisia Nasional Timor Leste (PNTL) seidauk foti desizaun ba oknum PNTL ne’ebe deskonfia halakon kilta ho ripu FNC, tanba sei hein rejultadu final husi investigasaun ne’ebe la’o hela.

“Ne’e sei iha investigasaun, agora haul abele koalia buat ida, buat ne’e sei iha investigasaun nia laran,”Deklara Komisariu longuinhos Monteiro ba Jornalista sira iha edfisifiu Polisia Akademia Comor, dili, Kinta (16/8).

Maski iha deklarasaun ne’ebe dehan, oknum PNTL ne’ebe halakon kilta ne’e hanesan krimi boot, maibe komisariu Longuinhos dehan, prosesu tenki liu husi investigasaun hafoin bele hatudu rejultadu investigasaun ne’e.

“Hakarak hau atu fila liman deit ka? Hau labele siik deit, ida ne’e tenki tuir prosesu investigasaun,” nia realsa.

Antes ne’e, Major Jeneral F-FDTL Lere Anan Timur hateten, oknum husi Polisia Nasional Timor Leste (PNTL) ne’ebe halakon kilta FNC konsidera hanesan krimi ne’ebe boot, tanba halakon material funu nian.

“Kuandu militar ida maka halo lakon ninia kilat ne’e, ne’e krimi boot hanesan oho ema, ida ne’e nia punisaun ne’e laos baibain, ne’e ba prizaun tinan 24, se ida ne’e mak akontese iha nasaun balu ne’ebe lei mijila iha ne’e oho kedan,” nia esplika.

.