Loron FALINTIL Ba 37: “Eziji Kria Leis Indentifika Veteranu Falsu”

.

Jornal Independente - Sesta-Feira, 17 Agustu 2012

Falta de’it loron tolu estadu Timor Leste komemora loron FALINTIL 20 Agusto ba dala 37, maibe to’o agora seidauk iha leis atu identifika veteranu falsu ne’ebe simu ona estadu.

Iha tinan kotuk estadu Timor Leste selebra loron istoriku ne’e hodi fo rekoinesementu ba eis FALINTIL balun hanesan, eis Komandante armada Kay Rala xanana Gusmao, Taur Matan Ruak, Francisco Guterres Lu-Olo, Lere Anan Timur no komandante sira seluk tan.

Eis FALINTIL noa veteranus barak mak seidauk hetan dezmobilizasaun tanba tuir planu governu, sei halo fazeada katak, tinan-tinan sei halo tuir kapasidade ne’ebe Governu iha.

Maibe tinan ida ne’e, governu la halo dezmobilizasaun, tanba kintu governu foin mak harii iha semana kotuk no seidauk halo planu.

Ba kestaun ne’e, Eis Veterana Maria do camara ‘Bisoi’ eziji atu altera lalais ais lei veteranus hodi nune’e bele detekta veteranu falsu sira ne’ebe mak simu ona osan husi estadu.

Maske la temi numeru, Bisoi dehan, dadus ne’ebe foin lalais governu fo sai iha ema balun laos veteranu maibe sira simu osan pensaun.

“Foin lalais pensaun simu tiha ona, maibe ema ne’e la’os kombatentes,” dehan Bisoi ba INDEPENDENTE horsehik (16/8).

Bisoi hatutan, Erru ida ne’e mosu tamba, laiha kontribuisaun husi veteranu, ne’ebe lakohi halo protesta ba ema sira ne’ebe laos veteranus maibe simu osan.

.