Kilat PNTL 31 Sei Lakon: “PN Sei Bolu Longuinhos Responsabiliza”

.

Jornal Nacional Diario - Tersa-Feira, 14 Agustu 2012

Policia Nacional Timor Leste (PNTL) informa katak desde krizi tinan 2006, Kilat PNTL nian 30 mak sei lakon no aumenta tan kilat ida nebe lakon iha Agusto 2012, ho nune’e hamutuk kilat 31 PNTL nian mak sei lakon.

Ba Jornalista sira, segundu komandante jeral PNTL, Komisariu Afonso de Jesus esplika, kilat PNTL 31 nian mak sei lakon, ne’e ho modelu kilat naruk HK-33 hamutuk 3 no Pistol hamutuk 27. Ho kilat ida mak lakon iha Agostu 2012.

“Pistola 27 hahu iha krizi mak lakon, depois kilat boot ne’e falta HK-33 tolu hamutuk tan ho ida ne’ebe mak ita boot sira lamentasoins barbarak ne’e hamutuk 31 ne’ebe sei lakon,” desplika Komisario Afonso de Jesus, segunda (13/8) iha Kuartel Jeral PNTL caicoli, Dili.

Nia mos informa ba sidadaun katak, kilat sira ne’e perigozu, tamba ne’e sese deit hatene prezensa kilat hirak ne’e bele kolabora ho PNTL, inklui mos komunidade hodi bele hato’o ba komando PNTL.

.