quarta-feira, 15 de agosto de 2012

Kilat PNTL Lakon: “Maijen Lere: Povu Labele Paniku”

.

Jornal Nacional Diario - Kuarta-Feira, 15 Agustu 2012

Xefi Estado Maior FALINTIL-Forsa Defeza Timor Leste (F-FDTL) Lere Anan Timor apela ba populasaun atu labele paniku ho kilat Polisia Nasional Timor Leste ne’ebe lakon.

“Primeiru hau dehan katak, kilat lakon, populasaun labele paniku, kilat ida atu halo Timor ne’e nabeen, sei la halo nabeen, uluk Indonesia mai ho kainaunho Morteiro bataliaun rihun ba rihun la naben, kuantu mais kilat ida rua lakon husi PNTL ne’e nabeen, maibe PNTL mak lori todan,” esplika Maijen Lere Anan Timur ba Jornalista (14/8) iha Kuartel jeral F-FDTL Fatuhada, Dili.

Lere Anan mos haktuir, kuandu militar ida mak halo lakon kilat ne’e krimi boot no ne’e hanesan oho ema.

“Nia poinsaun la hanesan bai-bain, ne’e nia prizaun 24 anus, iha funu laran mak halo lakon kilat oho tiha, halo lakon kilat ne’e la’os buat halimar, lakon ne’e duni sai tiha, ne’e problema laiha, hau hanoin katak, ita nia alin halo lakon kilat ne’e problema ba nia,” afirma Lere Anan Timur.

Lere Anan Timor dehan katak, uluk ezersitu portugues, kuandu militar ida halo lakon kilat tenki halo prosesa ba nia.

“Hau nia instituisaun mak hanesan ne’e, nia agora lori kedas ponisaun,” dehan Lere.

Lere relembra hikas katak, uluk sira iha ailaran, kilat ne’ebe mak partense ba sira nia konsidera hanesan sira nia fen, bainhira mate mak ema bele foti sira nia kilat.

“Hau hanoin katak, Komandante jeral Doutor Longuinhos Monteiro, nia hatene lei sira ne’e, nia hatene rejolve problema ne’e oinsa, mas resolve problema la’os dalan barak, maibe dalan ida deit, ema ida halakon tiha kilat ne’e krimi ona, ne’e la hanesan sala baibain, ne’e hanesan oho ema,” Lere Anana Timur afirma.
.

Sem comentários:

Enviar um comentário

Nota: só um membro deste blogue pode publicar um comentário.