“PM Xanana Promete Husik Kargu Iha 2017”

.

Jornal Independente - Kinta-Feira, 09 Agustu 2012

Primeiru Ministru Xanana Gusmao nu’udar jerasaun tuan hateten, tinan lima husi (2012 to’o 2017) hanesan tinan ikus ba nia atu lidera Governu.

Xanana dehan, iha tinan 2017 nia sei husik fo responsablidade ba jerasaun foun atu kontinua lidera nasaun ne’e ba futuru.

“Tinan lima ne’e kala ultimo tinan lima bah au tanba hau tenki passa ba nova jerasaun,” dehan Xanana bainhira hasoru PR Taur Matan Ruak iha Palacio Prezidenti.

Antes ne’e jerasaun tuan 1975 halo diskusaun maka’as liu dalan dialogu oinsa prepara jerasaun foun hodi troka jerasaun tuan.

Diskusaun liu husi inkontru Maubisse I iha maubiise no Diskusaun Maubisse II, iha Palasiu Nobre Lahane hodi buka alternativu intrega poder ba jerasaun foun.

Ba kestaun ne’e, Prezidenti Consellu Nasional Joventude Timor-Leste Leovijildo Ornai hatete, diskusaun Maubisse II tenki kontinua hodi bele alkansa planu ne’ebe mak jerasaun tuan sira planeia.

Entertantu, lideransa 1975 Mari Alkatiri rasik antes ne’e, husu Xanana Gusmao, Jose Rmaos Horta atu hamutuk para fo hela ejemplu ida diak ba jerasaun foun sira ne’ebe mak sei kontinua kaer kuda talin Timor-Leste iha futuru.

Maibe, mehi Alkatiri nian sai mout tamba Xanana rasik lakohi hamutuk ho Alkatiri ne’ebe lidera FRETILIN no Ramos Horta hodi kaer hamutuk ukun iha periodu tinan lima ne’e.

.