Vizita Ban Ki-Moon Palasiu PR: “Protokolu Palasiu Prezidensial Failla”

,

Jornal Nacional Diario - Sesta-Feira, 17 Agustu 2012

Tuir Observasaun JNDiario iha Palasiu Prezidensial bainhira atu realiza konferensia imprensa, iha momentu ne’e parte PNTL sai hanesan fali protokolu hodi manda jornalista sira nia pojisaun iha momentu ne’e.

Laos ida ne’e de’it mak akontese, erru seluk tan mak hanesan durante serimonia parada militar, sound system ne’ebe mak prepara husi gabinete Prezidenti da Republika mos la iha kualidade, nune’e, bainhira toka Hino nasional ONU nian, sound system nia lian la moos hodi implika situasaun barilho oituan.

Remata enkontru ho PR Taur, Ban Ki-Moon, kontinua halo vizita ba muzeun nasional rezistensia hodi hasoru malu ho Primeiru Ministru Xanana Gusmao, inklui membru Governu.

Vizita Ban Ki-Moon iha Muzeu Nasional ne’e, Ban Ki-Moon mos aproveita oportunidade hodi hato’o mos homenazen ba saudozo Sergio Viera de Mello hodi dehan, tinan sanulu liu ba Sergio Viera de Mello hamutuk ho Xanana Gusmao nuudar Prezidenti Republika no antigo Primeiru Ministru Dr. Mari Alkatiri, loke Timor leste nia espozisaun dahuluk hodi komemora rezistensia iha fatin ida ne’e duni.

Mai ita hotu fo homenazen ba legadu ida ne’e, no mos ita boot sira nia servisu diak tebes,” hateten Ban Ki-Moon.

.