Dom Norberto: “Osan Ho Hahan Halo Sarani Balun Fiar Lametin”

.

Jornal Nacional Diario - Sesta-Feira, 17 Agustu 2012

Bispo Diocese Maliana Dom Norberto do Amaral hateten, sarani balun fiar la metin, tanba halai tun halai sa’e, kaer la metin, tan deit osan, hahan, telemovel no sasan sira seluk mundu nian.

Dom Norberto do Amaral haklaken lia hirak ne’e iha nia homelia, wainhira prezidi primeira misa Igreija Paroquia Ave maria Suai, Kuarta (15/8).

Dom Norberto Amaral hatutan ba sarani sira tomak katak, iha ukun fuan sanulu bele habadak tiha ba ukun fuan rua deit, maka fiar ne’ebe metin no obdese ba nai maromak.

“Se ita selesaun ba iha ita nia rai laran, sarani sira balun ita kaer la metin, hanesan leki rauk semo iha ai ida ba iha ai ida ne’eba, halai tun halai sa’e tan de’it osan, hahan telemovel,” hateten Dom Norberto do Amaral.

Bispo Diaoseze Maliana ne’e hateten tan, sarani ne’ebe fiar nain la’os hanesan ne’e, sarani ne’ebe fiar nain tenki fiar metin iha kristu hodi hametin domin ba maluk sira hodi obdese ba nain maromak ne’ebe mak husi nia oan mane Jesusu Kristuba iha mundu rai klaran hodi salva ema nia vida.

Dom Norberto Amaral mos fundamenta katak, esperansa povu nia ne’ebe mak durante ne’e iha, seidauk to’o ba rohan tamba povu sei hakilra loro-loron.

“Keta mosu mentalidade katak, ema balun de’it mak luta, ema balun deit mak kombatente no hare ema seluk fali hanesan folin laek, kaer ita la vale beibeik, maluk balun ne’ebe agora iha susar laran, terus laran, hein hela ita hodi lori buat foun ida ba sira nia moris,” dehan Amu Bispo Norberto.

Bispo maliana ne’e mos dehan, husu ba povu tomak atu labele ezizi deit ba Governu tenki tau matan, tanba tuir Amo Bispo nia Hare durante ne’e, estrada kuak iha odamatan oin de’it, komunidade sira laiha konsensia atu hadia rasik, maibe hakilar de’it ba Governu.

.