Xanana Hato’o Karta Ba FRETILIN: “ Francisco Guterres Lu-Olo: Karta Ne’e Sei Haree Para Ajusta Ideas”

.

Jornal Independente - Kinta-Feira, 02 Agustu 2012

Tuir informasaun ne’ebe espailla iha publiku nia lete katak, Xanana hato’o ona karta ba FRETILIN, ba kestaun ne’e, Prezidenti Partidu FRETILIN, Francisco Guterres Lu-Olo rekoinese katak, simu ona karta ida husi Prezidenti Partidu CNRT Kay Rala Xanana Gusmao foin lalais ne’e.

Maske la informa loloos objetivu husi karta ne’e, maibe Prezidenti FRETILIN informa defisil atu aseita karta ne’e tanba seidauk iha desizaun husi partidu rasik.

“karta ne’e ba ona mais, ami (FRETILIN) sei haree oinsa para ajusta ideas,” deklara Lu-Olo iha PN Kurta-feira (01/8).

Tanba FRETILIN nudar organizasaun ida, bainhira partidu seluk presiza nia ema, tenki hetan koinesementu husi dirasaun partidu nian, liliu lideransa partidu.

“Se presiza partidu nia ema entaun partidu tenki hatene no deside,” hatutan Prezidenti FRETILIN ne’e.

entertantu, informasaun ne’ebe espaila iha publiku katak, kinto (V) Governu konstitusional ne’e sei presija lideransa FRETILIN nain haat hodi assume pasta sekretariu estadu nian.

.