Alterasaun Rejimentu PN: “PN Sei Hasai Deputadu ‘Malandru”

.

Jornal Timor Post - Kuarta-Feira, 08 Agustu 2012

Parlamentu Nasional (PN) hahuu ona halo deskusaun atu halo alterasaun ba rejimentu Parlamentu Nasional segundu lejislatura nian, artigu 1 to’o artigu 120 hodi regula ho seriu deputadu sira iha tinan lima ne’e.

Iha alterasaun ne’e sei hamosu fali artigu ida ne’ebe bele hasai kedas deputadu ne’ebe ‘malandru’ ka la kumpri rejimentu ne’ebe iha.

Desizaun ne’e PN kontinua deskute namanas ho koordenasaun bancada sira iha PN, no lider bankada sira rasik tau kestaun ne’e seriu tebes, tanba haree husi esperensia segunda lejislatura liu ba, ne’ebe deputadu barak la tuir regras servisu no deputadus sira tama servisu konforme sira nia hakarak.

.

“Lei rejimentu ida uluk tau tiha maibe ladun forsa, Agira rejimentu foun foin lalais, ne’ebe mak ami halo sei iha alterasaun ba artigu 1 to’o 120 atu forsa liu tan,” dehan deputada Maria ‘Bisoi’ ba Jornalista sira iha Parlamentu nasional (Tersa (07/8).

Nia mos hatutan, kuandu deputadu sira falta, parlamentu iha ona lei ne’ebe mak mensiona husi rejimentu katak, deputadu tenki tebe sai.

.