Deputadu Opozisaun no CNRT Ezizi: “Husu PM Xanana Fo Orentasaun Ba Memebrus Governu Deklara Rikusoin Ba TR”

.

Notisia Husi TVTL - Kinta-Kalan, 09 Agustu 2012

Bancada CNRT no FRETILIN husu ba Primeiru Ministru Kay Rala Xanana Gusmao atu fo orientasaun ba membrus do Governu hodi deklara sira nia riku soin ba Tribunal de rekursu atu nune’e bele evita alegasaun publiku.

Ezizensia hirak ne’e hato’o husi deputadu Bancada FRETILIN Estanislau da Silva Kinta-feira ne’e iha plenaria Parlamentu Nasional.

Estanislau hateten, presiza duni membrus do governu ne’ebe mak foin simu posse atu deklara sira nia rikusoin atu nune’e bele evita alegasaun publiku, wainhira sira riku derepenti.

“Para evita alegasaun oioin, katak ema ne’e hola kerta foun ruma karik, se nia iha osan nia bele hola, hola o nia osan, ne’e la’os problema ida, se deprepenti nia hola deit, hanesan ohin loron ema alegasaun rona dehan hola Hamer ka, halo uma luxu bobot, se nia halo o nia osan, ne’e ita labele tau kestaun, agora, se ema ne’ebe laiha buat ida depois derenti nia hola hanesan ne’e, enatun tenki buka hatene osan ne’e mai husi ne’ebe, liu husi dalan investiga laos kondena, se iha investiga maka osan ne’e ninia duni, ne’ebe simu husi nia aman ka, nia avo ka, ne’e diteiru ninia,” dehan Estanislau.

Entertantu, Vice Prezidenti Parlamentu Nasional atual Deputadu CNRT Aderito Hugo husu ba Tribunal de Rekursu, se karik membrus do governu hirak ne’e deklara ona sira nia rikusoin, Tribunal tenki abdeit nafatin rekore rikusoin politikus hirak ne’e antes no depois sira assume kna’ar hanesan membru do Governu.

Antes ne’e, iha mandatu IV Governu Konstitusional kuaze membrus do Governu tomak deklara duni sira nia rikusoin ba Tribunal de Rekursu, maske nune’e laiha evaluasaun no hikus mai povu la dun hatene lolos rikusoin eis governante sira.

.