SES Sei Kria Regulamentu Ba PNTL: “Francisco Rekoinese Kilat Boot PNTL Lakon”

,

Notisia Husi TVTL - Kinta-Kalan, 09 Agustu 2012

Sekretariu Estadu Seguransa Francisco Guterres hateten katak, sei esforsu hadia servisu iha parte seguransa ne’ebe durante ne’e nota katak, la dun iha konkordansia hodi fo impkatu ba servisu membru Polisia iha terenu.

“Iha 13 ne’e ami sei hare jestaun ba kestaun de lojistiku ne’ebe diak, maibe problema ida mak manutensaun, nune’e mos responsablidade atu uza ekipamentus diak, hau dehan ba ita boot sira katak, kareta balun rahun tiha ona, kareta balun foin simu deit, sai husi pakasiu choke tiha ona, ne’e parte responsablidade, tamba ne’e maka horseik ami haree atu prepara lei ida atu sei deit maka halo at kareta ka, choke kareta tenki responsabliza, nia tenki responsablija ho prosesu displinar ida to’o hotu, se nia la sala duni, pontu nia liberta, mais se nia sala, nia tenik simu sensaun i nia mos tenki selu buat ne’ebe nia halo at ne’e,” dehan Franciaco Guterres.

Kona ba kilat nian ida ne’ebe deskonfia lakon, Sekretariu estadu seguransa hateten, oras ne’e komando halo ona investigasaun hodi suspende nia membru Polisia ne’e hodi responsabliza ba Erro ne’ebe nia halo.

“Ami halo tiha inavestigasaun ona, depois hau sei fo sai ba publiku, mais hau haruka komodante jeral suspende, ema ne’ebe responsabliza ne’e ohin suspende ona, sira dehan bah au katak kilat boot, maibe hau lahatene tipu kilat ne’e saida?, ami husu ba komunidade la bele paniku tamba ami investiga hela, ami sei foti fila fali kilat ne’e, Polisia ne’e iha Dili, mais lalika paniku, ami husu ba komunidade kalma nafatin, ami buka tuir nafatin kilat ne’e, ami sepera katak iha semana ida ne’e nia laran ne’e ami bele rekopera ona kilat ne’e, kilat ne’e husi komando jeral ninia,” dehan Francisco.

Tuir informasaun ne’ebe iha, kilat ne’ebe lakon husi unidade Polisia especial, lakon iha semana ida ne’e nia laran.

,