.
Dalan aat, eskola falta buat barak, saude kestionavel, veteranus abandonadu, kiak sae makaas, investimentu mamuk, kampu servisu klot, povu sente laiha governu no seluk seluk tan.
Realidade sira nee sai hanesan suspirasaun povu nian husi loron ba loron iha tinan lima nia laran, iha biban libertador patria Xanana Gusmao kaer pasta hanesan primeiru ministru. Ohin Xanana kaer tan pasta hanesan primeiru ministru ba darua.
Ita lahatene oportunidade darua nee, povu atu hetan saida. Kontinua ho suspirasaun ou muda ba alegria no kontentamentu. Resposta so mai husi ema sira nebee ohin ho kontenti festeiza sira nian kargu, tanba hetan oferta husi maun boot Xanana Gusmao.
Ita espera atu governu foun nee bele hadia buat ruma iha sira governasaun. Se hakarak lori povu ba moris diak tenke nakfilak governu laos atu ba ukun, maibe atu serbi. Signifika serbisu sai atan ba povu, hadia povu nia moris husi mukit ba moris saudabel.
Refkesaun maka nee sente moe wainhira haree povu iha tahu laran, moe wainhira povu leba modo, ikan, aifuan iha dalan dalan hodi buka osan, sente moe wainhira haree povu tuur iha duut laran, sente moe wainira povu kosar iha dalan, sente moe wainhira haree povu toba iha dalan ninin, sente moe wainhira povu labele haris ho sabaun no labele hemu susuben no labele hemu kafe ou sa ho masin midar.
Povu moris hanesan nee, tanba governu seidauk halo buat diak ruma hodi hasai povu husi moris kiak nee. Atu sai serbidor diak tenke serbisu makas halo planu, implementa atividade ho seriu no kontrola rezultadu ho rigor, atu nunee pasta nebee imi kaer laos deit prevelejiadu husi imi nia familia deit, maibe sai previlejiu husi povu nebee imi serbi ba.
Obrigadu.
.
Sem comentários:
Enviar um comentário
Nota: só um membro deste blogue pode publicar um comentário.