Komprensa da Imprensa: “Jerasaun Mate Restu Kararas Ezizi V Governu Konstitusional”

.

Notisia Husi TVTL - Kuarta-Kalan, 08 Agustu 2012

Jerasaun mate restu Kararas ezizi ba governu foun atu tau matan ba feto faluk no oan kiak sira iha Kararas Distritu Viqueque, Sira mos husu atu lori autor Masakre kararas ba Tribunal Internasional.

Loron 8 Fulan Agustu sai hanesan loron lebantamentu Kararas tinan 1983 ne’ebe Timor oan kuaze atus ba atus sai vitima ba Masakre ne’e.

Ohin Timor Leste komemora tinan 29 Masakre Kararas hodi halo reflesaun hodi hanoin hikas ba matbian ne’ebe mate ona, tamba luta ba ukun rasik an.

Hare ba vitima sira ne’ebe to’o oras ne’e seidauk hetan justica, Jerasaun materestu kararas husu ba Governu foun atu tau konsiderasaun ba vitima hirak ne’e.

Ezizensia seluk mak husu ba estadu atu koopera ho Governu Indonesia atu lori autor sira ba Tribunal Internasional.

Jerasaun mate restu mos husu ba governu foun atu konsidera vitimas masakre kararas hanesan ema Heroi ba nasaun ne’e no husu ba estadu atu labele halo diskriminasaun ba direitu didikasaun Luta Libertasaun, liu husi kondekorasaun ne’ebe estadu fo ba vitima sira.

.