“Lere Anana Timur Hato’o Situasaun Rai Laran No Preparasaun Loron Boot FALINTIL Ba PR Taur Matan Ruak”

.

Notisia Husi TVTL - Kuarta-Kalan, 08 Agustu 2012

Maijor Jeneral F-FDTL Lere Anan Timur hala’o inkontru ho Prezidenti da Republika Taur Matan Ruak hodi informa konaba situasaun seguransa iha rai laran no preparasaun ba komemorasaun FALINTIL 20 de Agustu fulan ida ne’e.

Maijor Jeneral F-FDTL Lere Anan Timur Kuarta-feira ne’e hala’o inkontru ho Prezidenti da Republika Taur Matan Ruak iha Palalsiu Prezidenti Nikolau Lobatu Dili, hodi informa kona ba situasaun seguransa rai laran ne’ebe la’o diak no kontroladu.

“Ne’e hanesan programa rutina ne’ebe kuarta-kuarta hau informa situasaun rai laran ba Senor Prezidenti da Republika,” dehan Lere Anana Timur.

Maijor jeneral F-FDTL ne’e mos hateten, iha enkontru ne’e mos koalia kona ba preparasaun F-FDTL kona ba loron FALINTIL 20 de Agustu ne’ebe sei partisipa husi delegasaun nasaun CPLP.

Iha okajiaun ne’e, Lere Anan Timur sublinha liu tan, nia vizita ba Filipina foin lalais ne’e, Forsa Filipina mos pronto fo apoiu ba F-FDTL iha kapasitasaun rekursus umanus hodi hadia diak liu tan F-FDTL iha futuru mai.

.