“Biliaun U$ 5.403 La Konsege Rezolve Problema”

.

Jornal Timor Post - Kinta-Feira, 09 Agustu 2012

IV Governu Konstitusional nebe mak gasta ona orsamentu hamutuk Billaun U$5.403, iha tinan lima nia laran maibe la konsege rejolve povu nia porblema.

Nune’e mos, to’o agora povu sei kontinua ejiji estrada, klinika, eskola, Irigasaun, uma no Transporte, alem de ne’e, la konsege asegura boa governasaun, transparansia no akuntabilidade nebe mak iha indikasaun korupsaun, Kolusaun no Nepotismu, pior liu tan mak sei okupa nafatin pasta V Governu, maske momentu kaer Pasta IV Governu

Kontitusional kapasidade menu.

“Problema hirak ne’e, tinan lima akontese tanba deit inkapasidade husi Ministru, Sekretariadu Estadu hodi la implementa programa ne’ebe lolos tenke implementa duni,” informa Diretur Ezekutivu Luta Hamutuk Mericio Akara iha konferensia imprensa ba Jornalista sira iha nia knaar fatin Farol, Kuarta (8/8).

Mericio haktuir, LH konsidera formasaun V Governu konstitusional ba periodu 2012-2017, estrutura boot tebes ho total 56, nebe sei prejudika makaas orsamentu jeral Estadu.

“Kompara ho tinan kotuk, Governu iha membrus 45, kompostu husi Ministru 14, Vice Ministru 6, Sekretariu Estadu 25,” dehan Mericio.

Luta Hamutuk sujere ba Primeiru Ministru (PM) atu halo akordu ho Ministru, Vice Ministru, Sekretariu Estadu, katak, durante fulan neen to’o tinan ida mak laiha kapasidade diak liu hasai.

.