.
Jornal Independente - Kinta-Feira, 09 Agustu 2012
Kada tinan estadu tenki selu salariu membru kintu Governu konstitusional foun to’o $2.463 millaun, entertantu ema kiak sira kontinua halerik ba nesesidade social no ekonomia.
Membru Governu koligasaun ba periodu 2012-2017 lidera husi Primeiru Ministru indizitadu Xanana Gusmao, kompostu husi Ministru 17, Vice 12 no Sekretariu stadu 26, no total hamutuk 55 kadeira.
Tuir lei remunerasaun ne’ebe mak parlamentu nasional aprova iha tinan 2009 ba titulares kargu politiku, membru Governu hirak ne’e sei simu salariu, kompostu husi Primeiru Ministru $4500 dolar Amerika konta ho abonus reprezentasaun ba alojamentu no ekcetra.
Vice Primeiru Ministru sei simu salariu $4000 kada fulan no ministru ida kada fulan simu salariu $3750 no Vice Ministru no Sekretariu Estadu nia salariu $3500 kada fulan sura ho abonus reprezentasaun no alojamentu sira.
Tuir data sensus poluasaun no uma kain 2010 nian hatudu katak, durante tinan 10 nia laran Timor-Leste hetan independensia maioria povu sei kiak ba edukasaun, saude, bee moos, eletrisidade, ekonomia uma laran, no seluk tan, maske nune’e estadu la dun tau atensaun ba problema hirak ne’e, maske membru Governu sira hatene hela povu nia halerik duarnte ne’e.
Aleinde ne’e, Jornal INDEPENDENTE informa ba publiku katak, estrutura ba kintu Governu konstitusional kontinua ho estrutura ne’ebe publika ona iha loron segunda no tersa liu ba.
Iha de’it Mudansa oituan ba kargu Ministra defeza no Seguransa Maria Domingas Alves ‘Mikato’, tanba Prezidenti da Republika Taur matan Ruak rejeita.
.
Sem comentários:
Enviar um comentário
Nota: só um membro deste blogue pode publicar um comentário.