Prioridade V Governu, Edukasaun, Saude no Infra-estrutura: “Xanana Kontinua Ministru Defesa No Seguransa”

.

Jornal Nasional Diario - Kinta-Feira, 09 Agustu 2012

Membru Governu, Kintu Governu Konstitusional, Kurta (8/8) ofisialmente simu tomada de Pose husi Prezidenti da Republika, Taur Matan Ruak, iha tomada de posse nee Ministru hotu-hotu ne’ebe naran tama iha lista ne’e simu tomada de posse, maibe Ministru Defesa no Seguransa mak la simu tomada de posse tamba laiha ema ba posisaun ne’e.

Antes ne’e, lista ne’ebe Primeiru Ministru Xanana Gusmao apresenta ba Presidenti da Republika ne’e, Maria Domingas Alves (Micato) sai Ministru ba Defesa no seguransa maibe Prezidenti sujere troka, nune’e naran ne’ebe atu ba Ministru Defesa no Seguransa mak Cirilio Cristovao maibe iha tomada de posse ne’e la tama, no iha informasaun katak, Primeiru Ministru Xanana Gusmao mak kontinua tutela ba Ministru Defesa no Seguransa.

Governu Aliansa Maioria parlamentar ba ne’e, Primeiru Ministru xanan Gusmao mak assume mos pasta Ministru Defesa iha Kintu Governu ne’e mos Primeiru Ministru Xanana Gusmao mak kontinua kaer pasta Ministru Defesa no Seguransa.

Hafoin asina tomada de posse, Primeiru Ministru xanana Gusmao iha nia deskursu hateten, Kintu Governu Konstitusional ne’e kontinua fo prioridade ba Edukasaun, Saude, no Infraestrutura.

Primeiru Ministru mos dehan katak, iha Kuartu Governu Konstitusional ne’ebe liu ona, iha servisu barak mak seidauk atinji 100%, tanba ne’e iha Kintu Governu ne’e sira sei haka’as an atu hadia nafatin nasaun ne’e ba prosperu no hasa’e keximentu ekonomiku ba povu.

Tuir PM Xanana Gusmao ba V Governu Konstitusional ne’e katak, prioridade ne’ebe Governu foun ne’e atu halo maka Primeiru hadia iha parte edukasaun, Saude, infraestrutura.

Alende ne’e nia dehan, fo prioridade mos ba implementasaun desentralizasaun administrative atu nune’e bele fo poder ba Governu lokal, no hametin relasaun internasional ne’ebe diak liu, nune’e mos defende dada pipeline Greater Sunrise mai Timor-Leste tamba sai ona interese nasional.

Chefe Governu ne’e mos dehan tan katak, prioridade seluk ne’ebe V Governu ne’e atu halo mos mak Planu Etratezia Dezenvolvimentu Nasional (PEDN).

.