Timor Post - Mário Costa
DILI (timorpost.com) – Governu liuhusi Konsellu Ministru (KM), aprova medida protesaun ba sidadaun Timoroan sira ne’ebé ba buka moris ka hela iha rai-li’ur, nune’e mós define regra ba sira.
“Konsellu Ministru ohin aprova projetu Dekretu-Lei ne’ebé aprezenta husi Gabinete Primeiru Ministru, kona-ba medidas protesaun ba sidadaun timoroan sira iha rai li’ur,” dehan Ministru Prezidensiál Konsellu Ministru, Fidelis Magalhães, iha Palásiu Governu, Kuarta (19/10).
Nia esplika, diploma ne’e prevee medidas hamutuk neen, lubuk ida ba protesaun sidadaun timoroan iha rai-li’ur no deDne regra sira ba ninia atribuisaun.
“Medida neen ne’ebé Governu prevee iha diploma projetu Dekretu-Lei ba protesaun sidadaun sira iha rai-li’ur, hanesan iha kazu ruma, oinsá bele repatria fali sira no seluk tan,” hateten nia.
Medida neen mak hanesan tuir mai, prestasaun sokorru iha kazu katástrofe naturál ka perturbasaun grave ba orden públika, repatriasaun ka lori-Dla timoroan sira iha rai li’ur? Apoiu emerjénsia ba alojamentu no apoiu ba kazu prizaun ka detensaun.
Atu hakotu nia dehan, projetu Dekretu-Lei ne’e aprezenta husi Primeiru-Ministru, Taur Matan Ruak, nia gabinete hafoin membru Konsellu Ministru sira diskute no tetu hafoin deside halo aprovasaun.
Foto, Facebook.
Sem comentários:
Enviar um comentário
Nota: só um membro deste blogue pode publicar um comentário.