DILI (timorpost.com) - Na'in ba AjénsiaCammer PC, Joanico Jerónimo, husu ba Polisia Sientífiku Investigasaun Kriminál (PSIK), atu kaptura ID falsu ne'ebé dés-fama sira iha média sosiál.
Nia hatete, informasaun ne'ebé ID falsu ida públika, katak nia ho Diretór Ajénsia Cammer PC, Rui Pires, halo kobransa llegál ba trata sidadaun sira-nia dokumentu ba Portugál no Inglaterra ne'e laloos.
"Relasiona horisehik iha sosiál média ema posting Ajénsia Cammer PC ho ami na'in-rua Diretór Rui Pires, nia foto kona-ba trata dokumentu sidadaun sira nian ba Portugál liuliu Narativa, informa ba públiku katak informasaun ne'ebé ema ho ID falsu públika ne'e laloos," nia hateten, iha Bidau Lesidere, Kuarta (26/10).
Tanba ne'e hanesan Ajénsia Cammer PC nia na'in husu ba entidade hotu-hotu liuliu ba PCIC no PNTL parte investigasaun nian tenke buka na'in ba ID falsu ne'e hodi bele kaer.
"Tanba ne'e tenke ba kaer nia tantu iha rai li'ur ka iha rai laran, atu nune'e lori mai ami bele ba hatán malu, tanba nia ofende ami nusa mak la mai Ajénsia ka la loke an de'it" hateten nia.
Nia subliña, ID falsu ne'e públika Ajénsia Cammer PC nia na'in hanesan Rui Pires no Joanico Jerónimo nia foto, iha média sosiál katak sira halo kobransa ilegal ba Sidadaun sira ne'ebé trata dokumentu.
"Tanba uluk iha situasaun Covid-19 nia laran ema hateten ami ilegál, maibé sira la hatene ami na'in harii Aiénsia Cammer PC iha Inglaterra hodi fornese ema sira ba sira la hatene, agora ita esforsu an atu harii tan Ajénsia ida iha Portugál, atu ajuda timoroan sira ba servisu iha Portugál," hateten nia.
Ho ida ne'e, nia parte hamutuk ho Rui Pires, hato'o ona ba PCIC no PNTL parte investigasaun nian hodi bele buka tuir ID falsu refere tantu iha rai laran ka rai li'ur bele kaer.
Enkuantu ID falsu ne'ebé dés-fama sira iha média sosiál mak ho naran (Kritikus Positivo), públika na'in ba Ajénsia Cammer PC no Incanto Grup, Rui Pires no Joanico Jerónimo, katak sira halo kobransa llegal.
Foto, Facebook.
Sem comentários:
Enviar um comentário
Nota: só um membro deste blogue pode publicar um comentário.