Timor Hau Nian Doben
Deputadu José Agustinho Sequeira “Somotxo” nomos Prezidente Comissão de Negócios Estrangeiros e Segurança Nacional iha Parlamentu Nasional, husu ba autoridade kaer no detein ema ke koko lori osan ho montante 130 mil dollar ba rai liur.
Tuir Somotxo iha entrevista balun ke nia fo’o, nia dehan katak ema ke koko lori osan ba rai liur ema ke “bele koko halo krime brankeamentu kapital nomos fraude fiskal”.
“Sira hanesan suspeitu bele hanesan halo krime brankeamentu kapital nomos fraude fiscal”, dehan deputadu ne’e ba Snewstimor.
José Agostinho Sequeira mos explida ba media refere katak: “ Lolos ne’e sira nain tolu ne’e (ema koko lori osan ba liur) tenki lori sira ba sentru detensaun durante oras 72, tanba kaer sira iha flagrante delito, kaer sira ho liman iha osan refere ne’e”.
“Maibe la akontese no ida ne’e significa katak sidadaun balun sira nia direito bot liu ema seluk nian”, lamenta Somoxto.
Somotxo dehan tan katak, “Estadu no autoridade labele husik kriminozu sira ne’e domina ita nia rai”.
Deputadu ida ne’e mos akuza iha deklarasaun ba agencia Lusa katak membro governu baluk koko halo “obstrusaun ba justisa” bainhira sira halo intervensaun ho Sr. Gastao hodi fo osan fila fali ba sira.
“Membru governu nian karik sira komete krime obstrusaun justisa, sira koko impede autoridade policial no judidisia halao sira nia servisu. Asaun ida ne’e tenke halo investigasaun no servisu investigasaun sira tenke avansa ho investigasaun ida ne’e”, Somotxo dehan ba Lusa.
Sem comentários:
Enviar um comentário
Nota: só um membro deste blogue pode publicar um comentário.