Autoridades Timor nian kaer ona suspeitu ba kazu joven emigrante sira iha Portugal

Timor Hau Nian Doben

Foin lalais ajensia Portuguesa Lusa fo’o sai notisia katak autoridades Timor nian kaer ona diretor ajensia viajen ida, iha fim-de-semana ida ne’e, iha Díli, relasiona ho kazu Timor Oan emigrantes sira ke hela abandonadu iha Portugal.

Tuir ajensia Lusa, fontes polisias konfirma katak mane ida ne’ebe responsável ba ajensia New Generation, ekipa polisia no militar ida ke servisu hamutuk iha kazu ida ne’e detein nia, tuir mandado kaptura Tribunal Distrital Díli nian.

“Bele iha tan detensaun balun tanba investigasau sei kontinua. Processo ida ne’e sei lao”, dehan fonte polisial ba Lusa.

“Ami iha ekipa balun ke halo investigasaun iha terreno no kontinua halo sira nia servisu”, kontinua fonte ne’e.

Timor Oan  barak maka  ba Portugal hodi hetan moris diak maibe maioria hetan deit susar no halerik iha malae nia rai. 

Deskonfia ke joven sira ne’e sai vítima ba rede ida iha Timor-Leste ke pratika krimi trafiku humanu.

Foto, Facebook.