Colmera - Comissão Anti-Corrupcão (CAC) liu husi ekipa investigadór iha loron Sabadu (15/10) semana ne’e kumpri juiz direitu Tribunal Distrital Dili nian Jose Goncalves hodi aprezenta arguidu na’in rua (2) ho inisiál GFC e de GM no MdSFC ba TDD hodi tuir primeira interogatóriu relasiona ho kazu projetu instalasaun Set-Top Box RTTL, EP.
Arguidu na’in rua ne’e, CAC aprezenta ba TDD tanba suspeita ba autoria krime p.p iha artigu kódigu penal Timor Leste nian.
Hafoin rona tiha arguidu sira nia deklarasaun, Ministériu Públiku reprezenta prokuradór Matias Soares akuza arguidu na’in rua ho krime Abuzu Poder, Partisipasaun Ekonomia iha Negósiu, Brankeamentu kapitál, Fraude Fiskál no Konflitu Interese. Nune’e, MP husu ba Tribunál atu aplika medida ko’asaun prizaun preventiva.
MP mós husu atu bele hatun mandadu buska, aprensaun no detensaun hodi orgaun polisia spesializada CAC halo investiga suspeitu sira seluk ne’ebé iha indikasaun forte envolve mós iha kazu ne'.
Hafoin juiz tutela rona tiha pedidu akuzasaun no mos husi parte defeza nian, tribunál deside adia desizaun ba arguidu na’in rua iha loron domingo (16/10) loraik oras 14:00 aban.
Enkuantu arguidu na’in rua dadaun ne’e, CAC sei kontinua detein iha sela detensaun Farol Dili.
CAC kontinua asegura direitu fundamental arguidu sira nian hodi nafatin nakloke portaun edifisiu CAC Farol ba familia no kolega suspeitu sira nian hodi vizita, fó korajen no enkorajamentu ba infrenta prosesu justisa. (*)
Foto, CAC, Facebook
Sem comentários:
Enviar um comentário
Nota: só um membro deste blogue pode publicar um comentário.