MP akuza diretor ajensia viajens New Generation ho trafiku umanu no husu aplika prizaun preventiva

Timor Hau Nian Doben

Horseik Tribunal Distrital Díli halo primeiru interrogatoriu ba diretor ajensia viajen New Generation ke lori joven ba Portugal no Ministeriu Publiku (MP) husu atu aplika ba suspeitu ida ne’e medida koasaun gravosa liu, prizaun preventiva.

Ministeriu Publiku akuza diretor ajensia viajen ho krime trafiku umanu tanba tuir Timor-Leste nia Kodigu Penal, suspeitu ida ne’e prenche duni rekizitus hodi hetan akuzasaun trafiku ema.

Maibe advogado suspeitu nia la dun konkorda ho medida de koasaun ke MP husu tanba dehan katak ninia kliente la merese tanba nia la halai hosi autoridades no husu aplika medida koasaun seluk, Termu de Identidade no Rezidensia.

Prosessu interrogatoriu  ba diretor ajensia viajens New Generation  ne’ebe MP akuza ho krimi trafiku umanu  sei kontinua ohin lokraik.

Horseik autoridades Timor nian kaer  suspeitu ida ne’e, iha Díli, relasiona ho kazu Timor Oan emigrante sira ke hela abandonadu no terus oras ne’e iha Portugal.