DILI: Asaun husi Konseleiru partidu Khunto, José dos Santos Naimori Bucar ho Vise Ministru na'in rua hasoru Servisu Nasionál Intelijensia hodi husu atu intrega fali osan rihun $130 ne'ebé prende konsidera nu'udar asaun "krime ne'ebé tenke kriminaliza".
Prezidente Komisaun B trata asuntu Defeza no Seguransa, José Agostinho Sequeira 'Somotxo' hatete, nia parte enkoraja autoridade sira atu iha kapasidade hodi kombate krime organizadu sira no krime sira ne'ebé mak konsidera hanesan transnasionál.
"Entaun foin daudauk akontesimentu iha aeroportu ne'e bolu dean krime organizadu ida, ne'e ema bele interpreta seluk, mais ha'u konsidera hanesan krime organizadu, tanba krime ida ne'ebé bolu dehan Brankeamentu Kapitál ho krime ida tán mak Fraúde Fiskál, ne'ebé ema sees husi impostu sira ka hanesan estadu ninian, buat na'ok estadu mak lori osan sai," dehan Somotxo ba jornalista sira ha Parlamentu Nasional, Segunda (10/10).
Nia hatutan, autoridade polisia sira halo apreensaun ba evidénsia osan iha Aeroportu Komoro hanesan mós Flagrante Delito.
"Flagrante delitu kerdijer kaer ho liman, ó lori sasán ne'ebé labele lori ne'e, ó lori, ha'u kaer, ema sira ne'ebé lori ne'e no ida envolve ne'e hanesan aktu ida, loloos ne'e, kriminaliza hotu, tanba ne'e bolu dean rede, krime organizadu iha ita nia rai," dehan nia.
Prezidente Komisaun B ne'e hatutan, sidadaun hotu-hotu bainhira halo viájen ba rai li'ur lori osan ho valór rihun 10 ba leten tenke halo deklarasaun ba h Banku Sentrál Timor-Leste no Unidade Informasaun Finanseira (UIF).
"Surat-tahan ida ba ita priénxe ne'e, sei husu ita dehan ó lori osan hira, mais de $5 mill ka mais $10 mill, kuandu iha montante ida ne'ebé mais de stipuladu, mais de ida ne'e, konserteza katak tenke iha deklarasaun husi Banku Sentrál, entaun, kuandu ita lori osan ba rai li'ur ka ema deteta ita ne'e dean Tráfikante ida, atu lori osan ne'e ba finansia saida, terrorizmu ka hanesan tráfiku de umanu ka tráfiku de droga ka tráfiku de armas nia finansiamentu.'
Tanba ne'e, Somotxo husu ba Timor-oan sira atu labele konsidera bainhira ema lori sai osan ho montante rihun $130 ba rai li'ur ne'e normal.
Ba asaun husi Vise Ministru Justisa José Edmundo Caetano ho Vise Ministru Interior Antonio Armindo vióla Lei Kódigu Penál Timor-Leste, artigu 143, kona-ba obstrusaun ba autoridade sira-nia serbisu.
"Membru governu na'in rua ne'e krime ketak ida, ne'e krime ida ne'ebé dean obstrusaun ka impedimentu ba autoridade atu la halo serbisu," dehan nia.
ha fatin hanesan, Prezidente Parlamentu Nasional, Aniceto Guterres, husu ba Naimori ho membru governu na'in rua husi Khunto atu hakru'uk ba lei ne'ebé vigóra ha Timor-Leste.
"Ha'u hanoin, hotu-hotu hatene lei, sa tán membru governu sira hatene lei, saida mak labele hakat liu. Mais kazu
ida ne'e sei proses averiguasaun, informasaun sira nee hotu, depois se kazu ne'e ha indisius krime karik autoridade judisiais sira intervein," dean nia.
Nia dehan, ligasaun ho preensaun osan ho valór millaun $130 iha aeroportu ne'e, husik ba entidade estadu ida idak, hala'o ninia kna'ar, tanba lei asegura hotu, ida ne'ebé mak, bele halo no saida mak labele halo.
"Agora, se ultrapassa ka hakat liu lei, hasoru lei, konsidera hasoru mós estadu," dehan nia.
Sem comentários:
Enviar um comentário
Nota: só um membro deste blogue pode publicar um comentário.