“La Sama Ameasa Desliga Koneksaun Ahi Ilegal”

.

Jornal Independente - Sesta-feira, 30 Novembru 2012 

Vise Primeiru Ministru Fernando La Sama de Araujo abiza ba Polisia Nasional Timor Leste (PNTL) atu kontrola komunidade sira ne’ebe dada eletrisidade illegal. 

Vice Primeiru Ministru ne’e fo abizo hafoin Sekretariu Estadu Eletrisidade Januariu Pereira informa katak, iha ema nain rua mak mate iha semana kotuk tamba dada illegal no ahi serkutite. 

Vice Primeiru Ministru ne’e mos ezizi katak, komunidade sira tenki selu taxa bainhira uza eletrisidade hodi nune’e bele iha sustentablidade, tanba se lae osan mina rai hotu ita sei hasoru problema iha futuru. 

“Uza ahi ne’e ho hanoin responsablidade ninian, i peolimenus hare kompania sira selu bot, ita uma kain kik ne’e selu kik, se mak dehan ita gratis-gratis deit tinan 15 mai osan minarai sei hotu ita sei bankrupt,” dehan La sama. 

 Iha parte seluk, deputadu Inacio Moreira husi Bancada FRETILIN hateten katak, povu iha diretu atu hetan asesu ba eletrisidade maibe sira mos iha diretu atu kumpri sira nia dever hodi selu eletrisidade. 

Maibe nia hatutan, kuandu eletrisidade mate, governu mos iha dever atu ba hadia no mos kuandu estraga komunidade nia sasan elektronika governu loloos tenki toma responsabliza. 

.