Maijen Lere Anan Timur: “Kria Lei Fo Servisu Ba Eis Titulares”

.

Jornal Nacional Diario - Segunda, 26 Novembru 2012 

Parlamentu Nasional ho Governu Presisa kria lei atu fo servisu ba eis titular ira tamba ema sira ne’e matenek, ne’ebe to’o agora ita abandona sira.

“Hau hakarak hateten husi Parlamentu ho Governu, ita hare deit ita nia eis titulares sira to’o agora ita abandona deit sira ne’e make ma matenek hanesan ita nia maun Mari Alkatiri, Ramos Horta kuandu la iha lei ida mak kaer metin sira iha Timor, hau hanoin sira ba hotu rai liur, ita sira beik ten deit maka iha ne’e, kuandu beik ten deit maka hela iha Timor ita loron kalan han malu hela deit,” dehan Chefe Estado maior Jeneral F-FDTL, Lere Anan Timur, Sesta (23/11) iha Centru Convensaun Dili. 

Lere hatutan, Timor-Leste presiza iha aman ida no maun ida atu moris hamutuk iha rai ida ne’e,” uluk ita tebe rai ba Ramos Horta ba Mari Alkatiri ba Xanana nusa mak agora ita labele rai nafatin ho sira? 

Entaun ho ida ne’e husu ba Parlamentu Nasional no Governu atu kria lei ida hodi fo servisu ba sira, labele abandona sira,” dehan Lere. 

Nia dehan, Timor Leste presiza lider ne’ebe matenek, presiza ema iha influensia politika, iha figura ne’ebe diak atu nune’e bele lidera nasaun ne’e diak, no nakonu ho unidade nasional. 

Nune’e, Maijor Lere husu ba Juventude ka Jerasaun foun sira atu haree malu ho diak, kria estabilidade nasional no mos tenki estuda maka’as atu nune’e bele troka fali jerasaun tuan sira hodi lidera nasaun ne’e ba oin.

.