“CPD-RDTL Rihun 5 Ilegalmente Kontinua Okupa Rai Komunidade”

.

Jornal Independente - Segunda, 26 Novembru 2012 

Vice Prezidenti Parlamentu Nasional (PN) Aderito Hugo da Costa hateten, Grupu Conselhu Popular Defeza Republika Demokratiku Timor Leste (CPD-RDTL) husi Distritu 13 hamutuk ema rihun 5 resin kontinua okupa rai komunidade iha Suku Welaluhu, Sub Distritu Fatuberliu, Distritu Manufahi. 

Hugo dehan, komunidade iha Welaluhu rezeita no husu CPD-RDTL sai husi sira nia rain. Vice Prezidenti ne’e mos husu governu tenki rejolve lalais, tanba asaun nee halo povu paniku. 

“Movimentu ne’e ho karakter semi militar, uza atributu militar, hanesan tudik, rama, farda militar, que legalmente lolos ida ne’e labele eziste ona,” dehan Aderito ba Jornalista iha Luak, Same. 

Hugo dehan, se grupu CPD-RDTL ne’e atu halo koperativa agrikultura tenki koordena ho ministeriu kompotente hodi fo fatin ida ne’ebe propiu no labele okupa komunidade sira nia rai ho ilegalmente. 

Hugo dehan, Movimentu CPD-RDTL ne’e seriu tebes tanba fo ameasa ba povu, tanba grupu CPD-RDTL halo kooperativa ne’ebe ho karakter ida semi militar. Hugo dehan, Movimentu ida ho farda military, ida ne’e kontra lei, tanba tuir konstituisaun RDTL so F-FDTL ho PNTL mak bele uza farda military. 

 Entertantu, Vice Primeiru Ministru Fernando La Sama de Araujo hatete, problema ne’e seidauk rejolve maske governu no Prezidenti da Republika Taur Matan Ruak esforsu hela atu rejolve. 

“Saida mak akontese maka ida ne’e, familia ho rain ain iha ne’eba la aseita, i CPD-RDTL mos hateten katak lakohi sai husi ne’eba tanba rai ne’e abandonadu hela,” dehan la Sama. 

La Sama dehan, Prezidenti Republika husu Governu, liu husi Ministeriu ESTATAL atu sai fasilitador ba dialogu entre grupu CPD-RDTL ho komunidade rain ain iha ne’eba.

Nota do blogue: Os senhores têm muito medinho da CPD-RDTL,que ocuparam as terras que estão desocupadas  para cultivarem, trabalharem, vocês sabem lá o quê trabalhar! Mas vocês não têm medo dos GATUNOS de colarinho branco que estão mesmo pertinho de vocês a roubar ao povo forte e feio neste orçamento, isso já não têm, pois, pertencem todos ao mesmo bando! Dúvido que a CPD-RDTL faça mal ao povo, dúvido, já vocês... Não tenho dúvidas nenhumas que, farão!

.