“Laiha Intensaun Politika”

.

Gregório Saldanha

Jornal Timor Post - Kuarta-feira, 14 Novembru 2012 

Prezidenti Komite 12 Novembru, Gregorio Saldanha hateten, oportunidade ne’ebe sira fob a eis titulares hodi hato’o ninia diskursu iha komemorasaun 12 Novembru ne’e atu halo de’it ekilibriu no laiha intensaun politika atu hamonu partidu sira seluk. 

“Inti husi asaun Joventude 12 Novembru nian ne’e atu halo hamutuk lider partidu sira iha eventu ida ne’e, ne’eduni, laiha antagonis ou han malu, tan ne’e,, ami tenta halo hamutuk sira,” dehan Gregorio ba diario Timor Post iha edifisiu Ministeriu negosiu Estranjeirus no kooperasaun, Pantai kelapa, Dili, Tersa (13/11). 

 Tuir nia, tanba laiha intensaun politika ne’e mak komisaun la sita partidu politika ida nia naran, maibe diretamente refere de’it ba eis titulares. 

 “Ita lalika haree iha aspeiktu politika maibe ita haree de’it saida maka ita hakarak atinji iha vizaun ba dezenvolvimentu iha futuramente,” Gregorio esplika. 

 “Agora ita fob a eis titulares Lu-Olo koalia, reprejenta ona eis titular sira seluk, nia bele unifika hanoin kona ba saida maka sira hakarak atu nune’e bele lori ambiente diak ida ba ita nia povu jerasaun foun sira,” Gregorio hatutan. 

Kona-ba Komisaun la konsidera orgaun eleitu iha V Governu Konstitusional hodi hato’o ninia diskursu ba dahuluk, Gegorio akresenta, ne’e etika protokolu nian maka hanesan ne’e. 

 “Hau rekoinese katak iha buat balun falla, maske nune’e, ne’e la iha efeitu negativu, ne’e presiza ita hadia nafatin par abele sai diak liu tan,” Gregorio tenik. 

,